Afiprodel

Cos  recortes previstos nas políticas activas de emprego están en risco o financiamento dos servizos de desenvolvemento local. Máis de 8000 profesionais de toda España traballan na promoción do desenvolvemento sostenible en concellos e outras entidades. Nas zonas rurais é onde esta labor se fai máis necesaria. Desde a nosa asociación solicitamos apoio coa túa firma en change.org a petición de consolidacion deste programa e o mantementodas partidas orzamentarias correspondentes dentro das Politicas Activas de Empleo 2012.

Dende AFIPRODEL e FEPRODEL seguimos con atención as noticias que afectan ás partidas orzamentarias destinada a financiar as políticas activas de emprego e ao programa de Axentes de Emprego e Desenvolvemento Local. Ante esta inquietante situación a federación española e as asociación de profesionais de desenvolvemento local de toda España estamos a actuar con diferentes accións encamiñadas a defender a profesión e imos a seguir facendoo a tódolos niveis.

FEPRODEL realizou un documento de apoio aos servizos de desenvolvemento local e un comunicado coas actuacións realizadas e as que están previstas desenvolverse. Actuacións que Afiprodel secunda e apoia. Unha das accións é o envío ao Secretaría de Estado de cartas de apoio de alcaldías, entidades e profesionais (ver enlace) nos modelos que xuntamos (modelo 1, modelo 2)

Dende AFIPRODEL estamos a realizar diferentes actuacións e a máis urxente é a recollida de sinaturas de alcaldes e alcaldesas de apoio que serán remitidas por Afiprodel á Consellería de Traballo e Benestar, así como os apoios de entidades, asociacións e profesionais da comunidade galega (ver modelo de carta)

Proximamente seguiremos informando sobre a evolución destas campañas e outras actuacións que se plantexen.
Para calquera aclaración ou suxestión podedes contactar con Afiprodel no enderezo electrónico afiprodel.org@gmail.com

Unha representación da Asociación Finisterrae de Profesionais de Desenvolvemento Local (www.afiprodel.org) reuniuse coa Directora Xeral de Promoción do Emprego, Dna. Mª Amparo González Méndez. Foi unha prolongada xuntanza, que trancurriu distentida e na que se aproveitou para dar a coñecer a actividade de Afiprodel, o papel que desenvolven os profesionais de desenvolvemento local e os proxectos que a asociación quere acometer proximamente.
Desta Dirección Xeral depende a convocatoria de axudas para a contratación de AEDL, da que dependen a maioría dos postos de traballo de axentes de emprego e desenvolvemento local, tanto de administracións públicas como de organismos privados. Así, abordar o tema dos recortes era unha das prioridades da comitiva de ADLs que ofreceuse para propor suxestións á convocatoria deste ano na liña de defender e consolidar a rede de axentes de emprego e desenvolvemento local de Galicia . Amparo González expliciu que aínda non se coñecen as repercusións da importante minoración de fondos sobre as ordes que afectan a este colectivo e comprometeuse informar na maior brevidade a Afiprodel da situación na que queda a convocatoria deste ano.

Nesta xuntanza tamén presentouse os dous proxectos que Afiprodel quere acometer proximamente: Programa piloto de “Servizos en rede” dentro de territorios concretos e Programa piloto “Camiñando cara territorios intelixentes”. Ambos despertaron o interese da directora xeral, quen valorou moi positivamente o esforzo do colectivo. Ambos poden ser consultados no apartado de socios.

Ainda que este enlace xa leva un tempo publicado na paxina de AGADER non está de máis recordar este manual de experiencias innovadoras no entorno rural, todas elas moi interesantes. Un documento a ter en conta para ver como o rural ofrece moitas oportunidades para o desenvolvemento.  Enlace

Facemos referencia desde aqui a esta guía de proxectos de soberanía alimentaria en Galicia, que incluye máis de 27 iniciativas campesinas a favor da soberanía alimentaria. Para cada unha ponse a disposición unha descripción e unha ficha técnica que indica os canles de comercialización, a financiación, as redes, o nº de traballadores e outros datos de interese.

Ver guía

Trátase dunha iniciativa empresarial creada por un grupo de profesionais con experiencia en ONG, aceleradoras empresariais, fondos de investimento e negocios que acaban de crear o espazo UEIA, que pretende ser a primeira incubadora de emprendedores sociais de base tecnolóxica de Europa. Ver noticia completa

A Deputación da Coruña colabora coas entidades financeiras que ofrezan microcréditos a emprendedores ou familias en perigo de exclusión financeira. Este tipo de financiamento de ata 25.000 euros estableceuse en Europa como un excelente instrumento para a promoción e creación de microempresas.

Como produto financeiro, o microcrédito persegue un dobre obxectivo: o económico e o social. O papel da Deputación neste convenio será o de informar da iniciativa, recoller e estudar os proxectos que busquen financiamento, asesorar empresarialmente e, unha vez redactado o informe favorable, tramitalos ás oficinas da entidade correspondente