OPINA sobre a mesa: Situación laboral dos axentes de emprego e desenvolvemento local de Galicia
MODELO | febrero 11, 2011Esta mesa do Congreso MODELO versará sobre o papel dos e das ADL en Galicia e celebrarase ás 16:00 horas na Casa da Cultura de Vimianzo o 25 de marzo de 2011. A asistencia e libre e gratuíta.
Participaran na mesa:
- Representante da FEGAMP
- Eduardo Freire Pousas – Federación de Servizos á cidadanía de CCOO.
- Sergio Gómez Rodríguez – Coautor do proxecto “Situación e perspectivas do Desenvolvemento Local en Galicia” e Director Técnico de EDESGA
Tipos de contrato. Contrato indefinido dependente da liña de subvención. Sentencias de despedimentos improcedentes. Procesos de consolidacións de postos na administración local. As relación de Postos de Traballo como instrumento de mellora das condicións laborais. Capacidade da administración local en asumir competencias en promoción económica e diferenzas no financiamento con servizos como servizos sociais ou desenvolvemento local.
Se desexas plantexar algunha cuestión a calquera dos relatores, podes facelo no apartado OPINA na columna dereita desta web e unha vez no artigo, pincha nos comentarios. Estas aportacións presentarémolas aos participantes e, posteriormente, as súas respostas serán publicadas na web. Recolleranse propostas ata o día 10 de marzo.
Pregunta para o representante do sindicato:
Os contratos por obra e servizo realizado na maioría dos casos aos ADL e que teñen data de finalización e prorroganse ano tras ano ¿ son correctos? ¿cal sería a forma correcta e legal para a contratacion destes servizos?
Os Axentes de Emprego e Desenvolvemento Local con contrato indefinido ó amparo do
Real Decreto-lei 5/2006, de 9 de xuño, para a mellora do crecemento e do emprego que sexan despedidos por finalización da subvención, de acordo co art. 52.e) -despido procedente por causas objetivas – do Estatuto dos Traballadores, ¿teñen algunha posibilidade de recurrir o despido?
Gustaríame facer unha reflexión sobre como valoramos os propios ADL a nosa profesión. Da a impresión de que as veces non estamos no noso lugar, senón tapando furados. Creo que é hora de que se estableza (realmente) un marco de funcionamento e que o compartamos. Os libros que publicou Bicgalicia poderían ser o comezo.
Son consciente de que cada técnico ten funciónsque lle son propias segundo o seu lugar de traballo e institución que emprege. Aínda asi, ¿sería posible que a consellería e sindicatos elaboren unha definición do posto a nivel galego que sirva de base para a ficha do posto das RPTs que se elaboren no futuro?