I Congreso MODELO

Xa se pode descargar o cartel do congreso desde a pestaña “Programa” da web do congreso

O vindeiro luns 28 de febreiro ás 12:00 horas, terá lugar no reitorado da Universidade da Coruña a sinatura do convenio de colaboración entre dita universidade e máis a asociación Afiprodel. En novembro do ano pasado a UDC recoñeceu 2 créditos para o Congreso MODELO que Afiprodel está organizando en colaboración có Grupo de Investigación Persoa – Ambiente de Ciencias da Educación da UDC.

O acto contará coa presenza do reitor da universidade, José María Barja Pérez, e mais o profesor e membro do comité científico do congreso, Ricardo Garcia Mira. Por Afiprodel asistirán a presidenta, Dolores Pena, e a secretaria da entidade, María Jiménez.

No acto procederase tamén á presentación en A Coruña do Congreso MODELO á comunidade universitaria.

O pasado 11 de febreiro, o reitor da USC, Juan Jose Casares Long,  recoñeceulle 1 crédito de libre configuración ao Congreso MODELO. O responsable académico universitario para estes efectos será Manuel González López, profesor da Facultade de Ciencias Económicas e Empresariais. Os créditos poderanse imputar aos alumnos que cursen estudos conducentes ás Licenciaturas, Diplomaturas, Enxeñarías Técnicas e Mestres que se imparten nesta universidade. Os e as estudantes universitarios que asistan a este evento poderán acreditar a realización da actividade mediante o certificado que se lle entregue na secretaría do congreso.

Este recoñecemento súmase aos 2 créditos recoñecidos en novembro pasado pola Universidade da Coruña.

A presidenta de Afiprodel, Dolores Pena, deu a benvida aos presentes, entre os que se encontraban a maioría dos técnicos de desenvolvemento da Costa da Morte,  e lembrou as orixes e os fins da asociación. Agradeceu a todas as institucións que dun xeito ou de outro colaboran con este congreso: Xunta de Galicia, Deputación de A Coruña, Igape, BIC Galicia, Universidade de A Coruña, Aptcm, Ugacota e Concellos de Carnota, Corcubión e Vimianzo, entre outras. Finalmente, anunciou que o acto de inauguración do congreso contará coa presenza de Beatriz Mato, conselleira de Traballo e Benestar.

Lea el resto »

A sección de Promoción Económica da Deputación da Coruña financia con 2.500 € a organización do Congreso M.O.D.E.L.O (Marco de Oportunidades par a o Desenvolvemento Local) que se celebrará nos concellos de Vimianzo os días 25 e 26 de marzo e no concello de Corcubión o 1 e 2 de abril de 2011.

A entidade provincial notificou á asociación Afiprodel, organizadora deste evento, a aprobación da solicitude de subvención realizada por esta entidade no programa de axudas para actividades de promoción económica dirixida a entidades da provincia no ano 2010.

Ademais colabora poñendo a disposición os servizos da imprenta da deputación para as necesidades deste evento.